Naxçıvan Muxtar Respublikası Gənclər və İdman Nazirliyinin və Naxçıvan Muxtar Respublikası Atıcılıq Federasiyasının birgə təşkilatçılığı ilə peyntbol üzrə Naxçıvan Muxtar Respublika birinciliyi keçirilib.
Yarışdan əvvəl iştirakçılar mərkəzin təlimatçıları tərəfindən təhlükəsizlik qaydaları ilə bağlı məlumatlandırıldıqdan sonra mübarizəyə start verilib.
Gərgin və maraqlı keçən birinciliyin qalibi Naxçıvan Universitetinin komandası olub. İkinci yerə Naxçıvan Dövlət Universitetinin komandası, üçüncü yerə isə Heydər Əliyev adına Hərbi liseyin komandası layiq görülüb.
Yarışda I, II və III yerləri tutmuş komandalar təşkilati rəhbərliyin kubok, diplom və hədiyyələri ilə mükafatlandırılıb.