Ən yaxşı atıcıların müəyyənləşdirilməsi və atıcılığın qədim növü olan oxçuluğun təbliğ və inkişaf etdirilməsi istiqamətində silsilə tədbirlər davam etdirilir. 23 sentyabr tarixində Naxçıvan Muxtar Respublikası Atıcılıq Mərkəzində Naxçıvan Muxtar Respublikası Gənclər və İdman Nazirliyi və Naxçıvan Muxtar Respublikası Atıcılıq Federasiyasının birgə təşkilatçılığı ilə ali və orta ixtisas təhsili müəssisələri arasında atıcılığın oxçuluq növü üzrə birincilik keçirilib. Gənclərinin iştirakı ilə təşkil edilən birinciliyin nəticələrinə əsasən Naxçıvan Dövlət Universitetinin tələbəsi Murad Hüseynli 20 xalla I yerin sahib olub. Texniki Kollecin tələbəsi Novruz Muradov 7 xalla II, Naxçıvan Universitetinin tələbəsi Fidan Salmanova isə 5 xalla III yerlərdə qərarlaşıblar.
Qalib komandaların üzvləri təşkilati rəhbərlik tərəfindən diplom, və hədiyyələrlə mükafatlandırılıblar.