0ktyabrın 5-i tarixində Azərbaycan Respublikası Atıcılıq Federasiyasının İdarə Heyətinin üzvü, Güllə Atıcılığı üzrə Azərbaycan Seçmə komandasının üzvü, peşəkar məşqçi müəllim Rəsul Məmmədov tərəfindən Naxçıvan MR Atıcılıq Federasiyasının idmançı və bələdçilərdən ibarət ustad dərsi keçirilib. Təlimin məqsədi güllə atıcılığı səviyyəsinin artırılmasından ibarət olub.
Mütəxəssis güllə atıcılığında daha çox yol verilən səhvlər, xətalar, idmançılar və bələdçilərin qarşılaşacağı çətinliklər, peşəkar güllə atıcılarında tələb olunan keyfiyyətlər barədə ətraflı məlumat verib, təcrübələrini paylaşıb.
Sonra ustad dərsi Şərur rayonu Atıcılıq İdman Klubunda praktik olaraq davam etdirilib. Mütəxəssis idmançılara və bələdçilərə güllə atıcılığı üzrə vacib və əhəmiyyətli taktikaları əyani şəkildə izah edib. Sonda iştirakçılar ustad dərsində əldə etdiyi bilikləri praktikada yoxlayıblar.